Telesforo Monzon omenduz elkartuko dira bihar Begarako Idazle Eskolaren 10. urtemuga dela eta, eskolako kideak. Hain zuen, Idazle Eskolako 2012-13 ikasturteko ikasleak, ikasle ohiak eta nahi duten herritar guztiak daude gonbidatuta ekitaldira.
Bihar, zapatua, izango da Idazleak Irakurle mintegien lehen saioa eta hasiera emango diete Telesforo Monzonen lanak irakurriz eta Bergaran goiz-partean ibilaldia eginez. Gidari lanetan Jerardo Elortza Oñatiko historialari eta euskal literaturan adituak jardungo du.
Biharko egitaraua:
- 9:30-10:30: Sarrera hitzaldia Bergarako osoko bilkuren aretoan Jerardo Elortzaren eskutik: Bergarako euskal idazleak:Telesforo Monzon.
- 10:30-13:30: Bergaran barrena ibilaldia, Bergaran bizi edo jaio izandako hainbat euskal idazleren aipamena eginez –Antero Apaolaza, Koldo Elizalde, Ebarista Espinosa, Josu Oregi,J usto Garate, Peñaflorida eta Telesforo Monzon–. Hainbat geraldi egingo dira, eta geraldi horietan idazle horien, eta batez ere, Telesforo Monzonen testuak irakurri eta bere hainbat kantu abestuko dira. Monzonen etxeko sarreran ere irakurriko dituzte hainbat testu.
- 14:00: Bazkaria