Inozentzio Azpiroz hautatzaileak 19 urteko bergararraren aldeko hautua egin zuen, nahiz eta Victor errioxarrak finalaurrekoa jokatu; atzelari apurtzailea da Gipuzkoakoa, buruz burukoan ondo defendatzen dakiena eta beregan jarri zuen konfiantza Azpirozek.
Barikuan jantzi zuen urrea Rezusta bergararrak eta berdin egin zuten biharamunean Ioritz Arrieta hernaniarrak eta Etxamendi nafarrak, binakakoan; mexikarren kontra neurtu zituzten indarrak horiek ere. Azken unera arte, argitzeke zegoen nork lagunduko zuen atzean Arrieta aurrelaria –Ibai Bolinaga arrasatearrak edo Etxamendik–, baina azkenean nafarrak egin zituen atzelari lanak.
Pilotako hurrengo Munduko Kopa absolutua Mexikon jokatuko da –Zinacantepec herrian, Tolucatik gertu–, 2014ko abuztuan eta irailean.
Ezin lortu ohorezko mailarako txartela
Egubakoitzean, bestalde, bergararrek galdu egin zuten nagusien mailan Hernaniren kontra jokatutako partidua (12-22) eta, beraz, ez dute lortu ohorezko mailara igotzeko final erdietarako sailkatzea. Horrenbestez, lehen mailan jokatzen jarraitu beharko dute datorren denboraldian ere.