Bilboko Bizkaia aretoan izango da lehen emanaldia gaur, zapatua, 19:00etan, eta urtea amaitu bitartean Euskal Herriko 30 hiri eta herritan eskainiko dute. Dokumentalak bost euskal presoren bizipenak kontatzen ditu, bost zuzendariren begietatik: Josu Martinez, Eneko Olasagasti, Enara Goikoetxea, Txaber Larreategi eta Mireia Gabilondo bergararra.
Ekainean amaitu zuten lana eta Donostiako Zinemaldian estreinatzeko asmoa zeukaten, baina antolatzaileen ezezkoa jaso zuten. Dena den, Viktoria Eugenia antzokian bi emanaldi egin zituzten arduradunek, eta arrakasta izan zuten.
Filmaren ekoiztetxe Zinez elkarteak esan du "polemika, mehatxu eta susmo txar guztiak bukatzeko modurik onena pelikula bera ikustea" izango dela, eta "pairatutako jazarpenaren zentzugabetasuna agerian" geratuko dela.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.