Ezker abertzaleko belaunaldi historiko bateko kide: Iñigo Iruin, Jon Idigoras, Iñaki Esnaola, Tasio Erkizia, Periko Solabarria, Itziar Aizpurua, Miguel Castells... eta, bereziki, Santi Brouard medikua, GALek hil zuena eta HASIKo presidente izana eta Ziluagarendako "aita bat bezala" zena; baita Monzon, Txillardegi, Elkoro edo Ortzi ere.
Hainbat urtez ezker abertzalearen militantzia aktibotik aldenduta egon zen, ETAren jardun armatuarekiko kritiko izatearren (bereziki Hipercorreko atentatuaren ostean), baina 1990eko hamarkada amaieran berriro itzuli zen, batez ere, ezker abertzalearen legez kanporatzearen harira. Azkenaldian, ezker abertzalearen hainbat agerraldi publikotan agertu zen.
Bergarako UNEDeko irakaslea ere izan zen. Zientzia Politikoko irakaslea, hain justu ere. Eta oso ohikoa zen hura ikustea Bergarako kaleetan, UNED inguruko tabernetan...
Txomin Ziluaga ezker abertzaleko militante eta buruzagi historiko eta Bergarako UNEDeko irakaslea hil da. Atzo hil zen ospitalean, duela hiru egun lurrera erorita erietxean baitzen. 1939an jaio zen Erandion eta Frankismoaren denboran kartzelan izan zen zazpi urtez. Herri Batasuna koalizioa osatu zuten lau alderdietako bateko, HASIko, bultzagilea eta idazkari nagusia izan zen. 1988an, ostera, alderditik bereizi egin zen, ezker abertzaleko buruekin arazoak tarteko, baina HBko militante izaten jarraitu zuen.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak