Lehenik eta behin, goizeko 11:00etan Bergara eta Azpeitiko organo ikasleen kontzertua izango da. Kontzertu honen egitarauaren helburua, Aquilino Amezua, Azpeitiko organo egileari omenaldia egitea da, joan den larunbatean bera hil zenaren mende hurrena ospatu baizen.
Ondoren gaueko 20:00etan Bergarako Aritzeta abesbatzak eta Etxarri-Aranatzeko koruak emango dute kontzertua, Aitor Olea organo jolearekin batera. Autore aleman, ingeles, italiar zein frantsesen obrak joko dituzte ordubete iraungo duen kontzertuan.
Aritzeta Abesbatza
Gipuzkoa eta Euskal Herriko Abesbatzen Federazioko partaide eta Bergarako udaletxeko kulturako komisioko kide da. Horretaz gain, Bergarako musika eskolaren sustatzailea ere izan da. Euskal Herriaz gain, Espainia zein Europa mailan eskaini ditu kontzertuak.Gaur egun, 22 pertsonez osatuta dago eta gaur arte, 400 pertsona baino gehiago pasa dira.
Aitor Olea: "Kontzertuek harrera ona izan dute"Aitor Olea (Durango) gaur egun Bergarako Pedro Deunaren Elizak duen Stolz Frères (1889) organoaren organo jole titularra da eta organoko irakaslea da Bergarako Boni Laskurain musika eskolan. |