Angiozarren bisita gidatuak
Herio Anderearen erritua Antolatutako ekimenetako bat Angiozarren kokatutako da eta garai bateko heriotza-errituekin zerikusia dauka: "Ez hain aspaldi heriotza bizitzaren osagai zen gurean eta joandakoaren oroimena ez zen oroimina, ez hala beharrez. Heriotzaren inguruan oso erritu zehatzak izan dira euskal gizartean, bai kristautasuna nagusitu baino lehen, bai ondoren. Bergaran bertan baditugu horren aztarna batzuk eta erritu batzuk bizirik mantentzen dira", azaldu digu Udaleko Turismo teknikari David Zapirainek. Bada erritu horiek ezagutzeko bisita gidatuak egingo dituzte azaroaren 1ean eta 3an. Angiozarko kalean elkartuko dira 11:00etan eta Elizamenditik abiatuta gero, San Migel elizaraino joango dira.
Autokarabana topaketa
Autokarabanen topaketa Bergaran turismoa sustatu eta ingurukoak erakartzeko bestetik, autokarabana topaketa antolatu dute azaroaren 17 eta 18rako. Euskal Herriko autokarabanistak batzen dituen Sorbeltz elkartearekin batera antolatu dute topaketa. "Turismo mota hori ezin egokiagoa da Bergararendako eta jasangarria da gainera. Bestetik karabanistekin eurekin egon nahi dugu elkarren berri izateko eta beraien beharrak aztertzeko ahalik eta zerbitzu hobea eskaini ahal izateko", adierazi du Zapiranek. Labegaraietan elkartuko dira eta irteerak egingo dituzte mendira eta baita bisita gidatuak herrian bertan ere. Erreileno dastatzea Eta Bergarako turismoaz eta ondarez hitz eginda ezin erreilenoak ahaztu.
Azaroaren 24an Munibe plazan erreileno dastatzea egongo da. Azkenik, egitaraua ixteko, azaroaren 30ean, Irizar jauregian Ekonomia morala: ekonomia, ondarea eta historia Bergaran izeneko hitzaldia eskainiko dute David Zapirain eta Juantxo Madariagak 19:30ean.