Altube taldea liderra da merkatuan bere alorrean. 2,5 milioi galeper saltzen ditu urtean; mundu mailako merkatuaren %40. Bergaran hasi ziren zeregin horretan garmendiarrak, Elgetara bidean dagoen pabilioi batean (Criadero Vascongado de Codornices S.A). Hura itxi eta Burgos eta Soria aldean ditu gaur egun haztegiak.
Horretaz gain, Kobe idiaren haragia ere komertzializatzen du, Japonetik zuzenean ekarrita.
Ehiza zalea da Garmendia eta Ciudad Realeko ehiza-barruti baten kudeaketa daroa bere enpresa batek. Finka horretan, besteak beste, Espainiako Errege Juan Carlos Borbonekin egiten du ehizan enpresaburu bergararrak. Erregearen laguna da Garmendia.
Ardogintzako eta lehen sektoreko beste negozio batzuk ere badaroatza Garmendiak.
El Pais egunkariak argitaratu duenez, enpresaburu bergararra aske utzi zuen Auzitegi Nazionaleko epaile Fernando Andreuk, atzo, 25.000 euroko fidantza ordainduta. Patxi Garmendiaren anaia Pedro eta horien bazkide Pablo Martinez ere aske utzi zituen epaileak.
El Pais egunkariak, polizia iturriak aipatuz, dio enpresaburu bergararrak, ustez, Argentinan zituen hainbat diru kontu zuritze zituen. Sare txinatarrak dirua eta faktura faltsuak entregatzen zizkion Garmendiari. Eta, ondoren, honek, zuzenean Txinara transferitzen zuen dirua, Argentinako bere kontuetatik.