Inguruko bizilagunak ere kalean
Ertzaintza iritsi zen lehenengo sutea gertatu zen lekura eta eraikinaren aldameneko atarietan bizi diren familiak kalera atera zituen. Handik hamar minutura iritsi ziren suhiltzaileak eta sua itzaltzeko lanak hasi zituzten. Inguruko bizilagunek adierazi dutenez, sua piztu, larrialdietara deitu eta ia ordubetera heldu ziren sihiltzaileak. Gauerdirako itzalita zuten sutea eta suhiltzaileek etxebizitzak aztertu ostean, inguruko bizilagunak poliki-poliki etxeetara itzultzen joan ziren. 29. atariko bizilagunak baina ezin izan dute gaua etxean pasatu.
Sua piztu zen etxebizitzan egon dira kalte handienak. Bigarren solairua egoera onean dago baina keak erabat zikindu du guztia. Eraikinaren estruktura ez da kaltetu eta egoera onean dago Udaltzaingoaren esanetan.
Egoera txarrean zegoen lanpara bat
Udaltzainek emandako informazioaren arabera oraindik ez dakite ziur sua zerk eragin duen baina lehenengo pisuan bizi den bizilagunak adierazi zuen logelan gaizki zebilen lanpara bat zuela eta akaso hark piztuko zuela sua. Udaltzainen esanetan "argi dagoena da sutea logelan hasi zela".