Bergarako hizkuntza eta kultura aniztasuna handia denez, antolatzaileen proposamena da denon artean komunikatzeko euskara erabiltzea. Hizkuntza eta kultura ezberdinak aberasten gaituzten ondareak direla diote eta dagokien garrantzia ematen dietela.
Bilerak ostiraletan izango dira Bergarako Kultur Etxean, 18:00etan. Helburua izango da batak bestearengandik ikastea eta dinamikak izango dira: jolasa, teoria, antzerkitxoak eta umorea.
Horretaz gain, ekintza osagarriak ere egingo dira: mendira edo basora txangoak, herriko jaietan jai giroan nahastea, gaztetxean ikastaroak, afariak...
Parte hartzeko eskatzen diren baldintza bakarrak dira gogoa eta astean behin ordubeteko konpromisoa. Egitasmoan parte hartzeko interesa dutenek Bergarako Jardun euskara elkartearekin jarri behar dute harremanetan.