Atzo arratsaldeko 19:00tan, Bergarako Erreal Zaleen lagunartekoak, Matxiategi auzoko Aralar taberna izendatu zuten partiduak ikusi eta Erreala animatzeko egoitza berri bezala. Bi denboraldi Agorrosingo tabernan egon ondoren, egoitzaz aldatu zuten atzo, Agorrosingo taberna itxi egin zuten eta.
Lagunarteko bazkide guztiei gonbidapena luzatu zieten, ekitaldi polit bat egiteko asmoz. Inaugurazioaz gain, Angel Bideluze eta Aitor Muruamendiaraz-eri, omenalditxo bat egin zieten. Plaka bana banatu zieten, lehenengoa Aitor Muruamendiaraz, Agorrosingo egoitza zaharreko langileari; eta bestea, Angel Bidaluze, lagunarteko lehengo kide izandakoaren senitartekoei.
Plakak banatu ondoren, Aralar taberna kanpoan, errealaren bandera jarri eta luntx txikitxo bat eskaini zieten bertara hurreratu ziren denoi.