Uliazpiren hamargarren urteurrena ospatzeko egun osoko festa

Egun oso berezia da gaurkoa Uliazpik Bergaran duen Zubillaga doktorea zentroan. Erabiltzaile, guraso eta langileekin zentroa gaur bete beteta egon da goizean. 12:00etan hitzordua zuten urteurreneko ospakizunak hasteko. Zentroko erabiltzaileek egindako bideo bat ipini dute ekitaldia hasteko eta barre eta malkoak egon dira. Barreak erabiltzaileak dantzan eta ederki pasatzen ikusi dituztelako gurasoek, eta malkoak bideoan guraso eta lagunei eskerrak ematen zizkietelako erabiltzaileek. Ondoren kantuan egin dute musikoterapiako saioetan egiten duten bezalaxe. Paul Zubillaga doktorea bertan izan da.