Mikrofonoa eskuan, gaur arratsaldean Alex Gardoki ez da klubaren kirol gestioa egiteaz arduratu, eta bai jokalariak banan-banan aurkezteaz. 17:30ean hasita, puntual, elastiko urdina defendatuko duten saskibaloi jokalari guztiak igo diren taulara, euren entrenatzaileez lagunduta. Guztira hamaika talde izango dira, eta taldeko ordezkari Marian Melladok adierazi moduan, pozgarria da, besteak beste, infantil mailan emakumezkoen bi talde izatea, eta beste horrenbeste kadete mailan: "Gizonezkoen senior mailako taldeak kategoriari eutsi zion izan, eta mailaz igo ostean ez zen helburu erraza izan. Aurten ere asmo berarekin hasiko dute denboraldia, baina lehenengo taldeaz batera behekoak ere zaindu nahi ditugu. Hala, oso pozgarria da emakumezkoen lau talde izatea".
Taldeak banaka aurkeztu ostean etorri da familia erretratua egiteko txanda. Eta hor, nahikoa lan denak erretratuan sartzeko. Kontuan izan, bestalde, astelehenean Bergara Kirol Elkarteko eskubaloiko, futboleko eta saskibaloiko elkarteek batera aurkeztuko dituztela euren harrobiak lantzeko proiektuak, saskibaloi eskola, futbol eskola eta eskubaloi eskolarekin.
Hemen taldeen erretratuak:
