Ikuskizunaren protagonista Florenzio Galdiano lorezaina da eta, bere lorategi debekatuko sagar bat jan ostean, aldaketa jasan eta bere lana abentura bilakatzen da. Abentura horrekin, San Martin plazan bildutako ume zein nagusiek barre ugari egin eta gozatu egin zuten ikuskizunaz. 'Zirko loretsua' ikuskizunak muntai sinplea du, antzezle bakar bat eta soinu teknikaria, eta hori besterik ez du behar zirkua edozein herriko plazan sortzeko; eta umeak alfonbra gorrian esertzean magia hasten da.
Antzezleak ikuslegoaren arreta lortzeko mozorrotu eta malabarrak eta magia egiten ditu, eta horrekin guztiarekin lortzen du umeek eszenatokitik begirik ez kentzea.