"Nafarroako azken euskal lur independienteak inbaditu zituzteneko bosgarren mendeurrena betetzen da aurten", diote erredakziora bidalitako oharrean. "Geure nazio eta herritar libreen autoestimua suspertuz, gogora dezagun Aitzorrotzeko gaztelutik Elosuko gazteluraino Debagoiena Nafarroa independentearen eskualdeetako bat izan zela Gaztelak 1.200 urtean mendebaldeko lur nafarrak bortxaz okupatu arte. Gogora dezagun euskaldunok Europan estatu subirano baten herritarrak izan ginela eta gure independentzia galtzeak gaurko gatazka politikoa, menpekotasun ekonomikoa eta egonezina erakarri dizkigula".
Eta gehitzen dute: "Horregatik, izan ginelako, garelako eta berriro izango garelako, 2012ko otsailaren 27an Bergarako udalbatzak 1512-2012 Nafarroaren Konkistaizenekoadierazpenarekin bat egin zuen aho batez".
Era berean, gaur, uztailak 25, Albako Dukearen armada espainiarrak Iruñea setiatu eta oinperatu zuela 500 urte betetzen diren egunean, udaletxeko balkoian Nafarroako bandera xingola beltzarekin jartzea ere erabaki zuten "harrapatutako independentziaren eta eragindako biktima eta sufrimenduaren doluaren erakusgarri".