Txalo zaparradak luzeak izan ziren eta batek baino gehiagok beste ordubete erraz emango luke mexikarrak dantzan eta kantuan ikusten. Jakina da Euskal Herrian rantxera gustuko ditugula eta hori ere agerian gelditu zen egubakoitzean. Rantxera ezagunak ere entzun ahal izan ziren, Paloma eta Si nos dejan bezalakoak; horietan kantuan ikusi zitekeen ikusle bat baino gehiago.
Ordubetez, eta herriko plazatik mugitu ere egin barik, Mexikora bidaiatzeko aukera izan zuten bergararrek egubakoitz iluntzean. Horixe izan zen, besteak beste, Colima Unibertsitatetik etorritako Balletaren meritua. Beraien herritik horrenbeste kilometrotara egon arren, dantza, irrintzi eta kantuekin benetako mexikar giroa sortu zuten San Martin plazan, edo horrela sentitu zuten behintzat bergararrek.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak