Inoiz baino bazkide kopuru handiena lortu du 2012ko uztailean Bergarako Agorrosin kirol guneak; 4.907 lagun, hain justu ere. Iaz, 4.758 bazkide izatera ailegatu ginen. 2011ko urtarrilean 3.699 bazkide ziren, eta 2012ko hilabete berdinean 3.870. Uztailean, %22,6 igo da bazkide kopurua urte hasierarekiko.
Bestalde, 2012ko uztaileko lehenengo 20 egunetan, Agorrosingo igerilekuan 22.598 sarrera kontabilizatu dituzte.
Uztailaren 3a, martitzena, izan zen igerilekuetan jende gehien sartu zen eguna: 2.106 lagun sartu ziren. Bestalde, bost egunetan, 2.000 sarrera inguru izan dituzte.
Iñaki Ugarteburu Bergarako Udaleko kirol teknikaria pozik azaldu da. "Datuak adierazgarriak dira eta garbi dago, Agorrosin erreferentea dela bergararrentzat" dio.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.