Txikitan hasi zen musikan, pianoarekin lehenbizi, eta, 15 urte zituela, James Cotton entzun eta gero, bluesean murgiltzeko erabakia hartu zuen; besteak beste, Cotton, Junior Wells, William Clarke, Muddy Waters, Jimmy Reed eta Louisiana Red aitzindarien grabazioak xehetasun osoz aztertzeari ekin zion.
Hainbat lan argitaratuta
Transataltic Live Frantzian eta AEBetan zuzenean grabatu zuen 2004an, bluesko izar amerikar batzuekin, hala nola David Maxwell (pianoa), Kid Bangham (gitarra), Mudcat Ward (baxu akustikoa) eta Per Hansonekin (bateria), baita Mudzilla eta Crazy Hornsekin ere. Urteko diskorik onena bezala dago katalogatuta, eta Europako blues munduko artistarik handiena. 2007an Southern Wind Blowin' eman zuen argitara, 2009an Blues entre les dents, eta Lonely Number da haren azken lana.