Espainia osotik etorri dira gazteak Mizpirualdera: Andaluzia, Valentzia, Canarias, Madril, Zaragoza... Belaunaldi arteko trukaketa izeneko auzolandegietan Mizpirualde egoitzan jardungo dute, bertako egoiliarrekin dinamizazio lanetan, uztailaren 27ra arte. 18 urtetik 25 urtera bitarteko 21 gazte etorri dira bigarren txanda honetan.
Mizpirualde egoitzatik 100 bat metrotara dagoen Xabalote Gaztelekuan lo egingo dute gazteek. Hirugarren urtez antolatu dituzte aurten auzolandegiak Bergaran: auzolandegiak 2009an egon ziren lehen aldiz eta iazkoa izan zen bigarren ekitaldia. Programa Europa mailakoa bada ere, gurera Estatukoak etortzen dira. Lanaz gain, Bergara eta ingurua ezagutzeko auketa izango dute gazteek.
Atzo hasi ziren lanean bigarren txandakoak eta uztailaren 27ra jardungo dute. Lanean hasi aurretik, martitzen arratsaldean, bisita gidatua egin zuten Bergaran, Turismo Bulegoko Jon Arroitaren laguntzaz.