Imanol Urtzelai zuzendaritzapean, honako piezak eskainiko dituzte Aritzetako 25 kideek: Tollite hostias (Camille Saint-Saëns), Chori Erresiñoula (Javier Bello Portu), Gabriel´s Oboe (Ennio Morricone), Shenandoah (James Erb), Cantiga de Noiteboa (Julio Dominguez), Herribera (Benito Lertxundi), Carnavalito Quebradeño (Virtu Marango) eta, azkenik, Kaiku (Alexandre Lesbordes).
Boccia eta pintxo-potea
Santa Marina jaietako ekitaldiak domekara arte luzatuko dira. Egubakoitzean, 19:00etan, jaietako hitzordu klasiko bat izango da Matxiategin: boccia txapelketa. Egubakoitzero bezala pintxo-potea izango da hango tabernetan eta 22:00etan, dantzaldia.
Zapatuan, bolo eta toka txapelketa erreriratuen egoitzan, 11:00etan; 12:00etan salda eta txistorra hara gerturatzen direnendako; 13:00etan poteoa trikitilariek lagunduta; 16:00etan mus, tute eta poker txapelketak; 18:00etan patin lasterketa; 19:00etan buruhandi, jolasalak, kukañak eta txokolatada; eta 22:00etan dantzaldia. Domekan ezkondu eta ezkon gabeen arteko futbol partidua eta auzo bazkaria jarraian. Bazkal ostean, puzgarriak eta jolasak gaztetxoendako.