Kalitatezkoa eta oso dibertigarria barikuan Berumuga jaialdiaren baitan eskaini zutena Txus Blues eta Jose Bluefingers bikoteak Bergaran. Espoloiko aulki denak bete egin ziren, eta jendea zutik ere geratu zen. Euriaren mehatxupean, aulkiak eszenatoki barruan jarri zituzten musikariek modu originalean. Bi orduko zuzenekoa eskaini zuten Txus Blues eta Jose Bluefingers Bartzelonako bikoteak.
Blues doinuak eta umorea tartekatzen dute. Melodiak txisteekin azaleratu eta publikoa guztiz bereganatzen badakite. Euskaraz ere hitz solteak esanez, txisteren bat entzuteko aukera izan zen. Blues-a ikus-entzule orori gerturatzea dute asmo. Letra barregarriak eta kritikoak, abesti oso ezagunen bertsioekin taularatzen dituzte. Eta noski, formula horrekin, barre algarak eta arrakasta bermatuta daude. Jimi Hendrix, bluesaren moldaeraz eta umorez interpretatutako tangoak edo korrido mexikarrak izan ziren entzungai; oso errepertorio zabalaeskaini zuen bikoteak.
Diskoak salduta
Publikoaren aldetik izandako erantzuna, ondoren saldutako disko kopuruan igarri zen. Aste bukaeran Hondarribiko jaialdian bi zuzeneko ere egin dituzte.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
