"Bildu eta Aralarrek osatutako Udal Gobernua kudeaketa txarra egiten ari da, aurrekoen lana jarraitzen ari dira esperientzia faltagatik. Galduta daude eta proposamen aktiboak falta zaizkie bizi dugun krisi larriaren aurre egiteko.
Badakigu austeritatea beharrezkoa dela, baina modu orekatuan, eta ez aurrekontuan egin duten bezain bortitza. Bergaran eguneroko bizitzan nahitaezkoa den jasangarritasuna lortzeko, beharrezkoa den aktibitateari eutsi behar zaio eta hura garatu. Programa ekonomiko baten faltan, ez du ezertarako balio martxan ipinitako politika fiskalak. Modu horretan ezinezkoa da proiektua eta inbertsioak gauzatzea, ezta herriaren gutxieneko beharrak mantentzea ere, ez dutelako iniziatibarik. Ez dute diru-laguntzarik topatzen ezta kanpoko finantzazioa ere. Merezi du instituzioei laguntza eskatzea borroka politikoak alde batera utzita, horrek ez baitu batere laguntzen.
Atez atekoaren gaiarekin, Bilduren gainontzeko Gobernu batzuk bezala, Udal Gobernuak gehiengoak nahi ez duena inposatu nahi du.
Bestetik gobernu honek aurkeztutako proiektuen artean, gutxi izan badira ere, beharrezkoenak ez dira gauzatu: Ozaetako plaza, herriko hainbat kale asfaltatzea... auzoak utzita daude. Errepikatu nahi dugu autobus geltokia txukuntzeko beharra. Oinezkoen gunean semaforoa ipintzea ezinbestekoa iruditzen zaigu".