Aurreko astean jokatu zituzten finalerdietako partidak. Beraz, finala bihar jokatuko dute UD Akabaoak eta Desastre Team taldeak. Horrek esanahi du finalaren atarian geratu direla La12 eta Beti Gorria taldeak. Hauek ere beraien arteko partida bat jokatuko dute hirugarrena zein den jakiteko.
Omenaldiak izango dira
Biharko finala berezia izango da. Antolatzaileek ahalegin berezia egin nahi dute txapelketak 25 urte betetzen dituelako. Hala omenaldiak izango dira eta baita DJ festa ere.
25. urteurrena
Bergarako koadrilen artean kirola sustatzeko asmoz sortu zen 1987an Labegaraietako areto futbol txapelketa. Hastapenetan Labegaraietako txatarrazko parkean jokatzen zuten, eta ondoren pasa ziren kiroldegira. Hala, 1994.urtean Lagunak Kirol Elkarteak hartu zuen torneoa antolatzeko ardura.