San Juan auzoko Beitxi baserrian jaio eta Amiletxeberrin bizi den Antoni Irazabalbeitia (95 urte) omendu zuten domeka eguerdian San Juanen, auzo zaharrena delako.
Ortu lehiaketako bigarren edizioan, berriz, 14 baserrik hartu zuten parte eta epaimahaiak erabaki zuen Jexux Zabaletarena zela orturik onena.
Lore-sorta lehiaketan, aldiz, Angiozarko Isabel Belar (97 urte) izan zen txapeldun. Berak irabazi zuen saria ohitura zaharrak kontuan hartuta prestatutako lore-sortarik ederrena egin zuelako.
Patin gaineko jolasak (19 umek parte hartu zuten), txopoa igotzea, San Juan sua, Olatz eta Garazi Zabaleta lagunen trikiti doinuak, auzo afaria ... ondo pasa zituzten jaiak auzotarrek.