Musika eskolako abesbatzako ikasleek ikasturte amaierako kontzertua eskaini zuten zapatuan Santa Marina parrokian. 13 urtera arteko musika eskolako 100 umek abestu zuten, tartean Lehonard Cohen-en Aleluia eta Eric Clapton-en Tears in heaven kantua. Emanaldiaren bigarren zatian, abesbatza tailerra egin zuten Gaberokoekin batera, eta musika eskolako 13 gaztetxok hartu zuten parte horretan.
Elkarlan horreen helburua da 13 urtetik aurrerakoek ere abesbatzaren zaletasunarekin jarraitzeko aukera eskaintzea.
Ordubete iraun zuen eta jende asko joan zen ikustera. Umeen etxeko, senide eta lagunez gain, bestelako herritarrak ere joan ziren. Marije Ugalde musika eskolako zuzendariak hauxe adierazi du: "Oso pozik gaude. Jende asko etorri da ikustera eta umeak eurak ere oso ondo abestu dute. Ikasturte bukaera da eta nekea nabari da, baina primeran atera da kontzertua".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.