Aurkezpenean sail desberdinetako arduradunek Graduak, Masterrak, Doktoretzak... aurkeztuko dituzte. Guztiak Europako Goi Mailako Hezkuntzara egokituta daude.
Aurten UNED Bergarak guztira 3.000 ikasle baino gehiago izan ditu Marta Gomez, UNED Bergarako adminitratiboak adierazi duenez. Horrez gain, esan digu ikasle asko Bergaratik eta Debagoietik joaten direla, baina Donostiako ikasleak ere badituztela.
Hurrengo ikasturterako nobedade aipagarririk ez dela egongo adierazi du. Izan ere, aurreko urtean gehitu zuten karrera berria eta egoera ekonomikoaren eraginez, ezin dira berrikuntza asko egin. Dena den, UNED Bergararen eskaintza oso zabala da, nahiz eta ikasketa batzuk gehitu nahi dituzten.
Bolonia aztertuz, Martak adierazi duenez, ondo egokitu dira aldaketa hauetara. Aldaketa hauekin, ikasketa batzuetako ikasleek gora egin dutela adierazi du. Nahiz eta beste ikasketa batzuetako ikasleek behera egin. Psikologiaren kasuan, adibidez, ikasleen kopurua izugarri igo da.