Aurten, nobedade gisa, neskendako pala txapelketa ere egon da eta Jon Larrañaga ibili da monitore lanetan. Esan bezala, Bergara KEko pilota saileko arduradunak pozik azaldu dira lortutako parte hartzearekin eta gaztetxoek erakutsitako maialarekin. Egueneko finaletako emaitzak hauek izan ziren:
Benjamin D mailan: M. Larrañaga-A. Arriola 9; J. Lazpiur-M. Iglesias 16
Benjamin C: X. Igartza-O. Minguez 11; M.Olabarria-I.Gil 16
Benjamin B: A. Pereira-E. Basterra 13; M. Peñin-I. Etxaniz 16
Benjamin A: U. Roige- A. Roige 16; O. Garitano-X. Muruamendiaraz 9
Alebin maila: J. Etxabarri-J. Gallastegi 18; M. Moral-J. Murgiondo 5
Alebin neskak: I. Agirrezabal 18; N. Arenaza 4
Infantil B maila: B. Pelicano-A. Etxaniz 18; J. Elizburu-O. Ruiz De Larramendi 8
Infantil A: A. Jorge 18; H. Otermin 4
Herri artekoan, Bergara kanporatuta
Bestalde, Herri Arteko Txapelketan Bergara 2-1 galdu zuen zapatuan Donostian eta beraz bergararrek agur esan diote aurtengo txapelketari. Kadete mailako Bergarako ordezkariek 22-6 galdu zuten zapatu arratsaldean Donostiako Atano pilotalekuan; gazte mailan bergararrak izan ziren nagusi, 20-22; eta senior mailan 22-20 nagusitu ziren donostiarrak. Bergaran jokatutako kanporaketan ere Donostiak eskuratu zuen garaipena, 1-2, eta emaitza bera lortuta ere, zaila zeukaten bergararrek tanto aldea gainditzea zapatuan. Reyes Azkoitia entrenatzailearen arabera, donostiarrak zoriontzea baino ez dago. Era berean, senior mailan Baez II.ak eta Arzelusek osatutako bikotearen partidua nabarmendu zuen Reyesek.