Bergarako Jardun Euskara Elkarteak uztailaren 2tik 7ra euskarazko irakurzaletasun astea antolatu du. Euskal irakurketa sustatzea dute helburu, eta honen bidez, euskararen erabilera gozagarria bultzatu nahi dutela adierazi dute antolatzaileek.
Aste guztian zehar, uztailaren 2tik 7ra, euskarazko liburuak merkeago erosteko aukera izango dute irakurleek. Izan ere, Bergarako Elkar Megadendan euskarazko liburuak (haur, gazte zein helduen literatura) erosterakoan, liburu saltzaileak emandako erosketa txartela Jarduneko bulegora eraman eta bertan deskontua abonatuko diote liburu erosleari. Deskontuaren diru hori jasotzeko epea uztailaren 13ra arte izango da.
Haurrentzat ipuin kontaketa
Uztailaren 4an, 17:00etan, Agorrosineko kanpoko igerilekuan haurrentzat ipuin kontaketa antolatu dute. Eguraldi txarra eginez gero, San Martin plazako arkupetan egingo dutela adierazi dute Jardun elkartetik.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak