Harmailetatik bertatik abesbatzako txiki eta nagusiagoek egin zieten ongi-etorria entzuleei. Aurkezleek kortesia guztiak egin ostean, biolinak sorbaldetan, Suzuki taldekoek jo zuten lehenengo. Eskolako akordeoi orkestrak mexikar kutsu betea izan zuen, emanaldiko abesti izarretako bat jota: Viva Mexico; txalotua izan zen oso. Prestatzen dabiltzan musikaleko protagonista Peter Pan-ek ere (Aitor Garitano) abestu zuen eurekin batera. Abesbatzetako taldeek ere txalo zaparrada jaso zuten munduko abestiekin eta amaierarako onena zeukaten gordea, gainera.
Emanaldiko destakatuak bi izan ziren: batetik, Gazte bandak Kaxiano, musika ontzi baten jo zuen; eta bestetik, talde guztiek abesbatzarekin batera Bergarako Musika Eskolako Martxarekin amaitu baino lehenago jo eta abestu zuten The Beatlesen 4 urtaroak. Saioaren ostean afari legea egin zuten frontoian parte-hartzaile eta gurasoek.