Kadeteek 0-22 galdu zuten partidua; gazteek ere galdu, 21-22; eta nagusiek irabazi, 22-7. "Aurretik ere bagenekien alde handia zegoela bi herrietako kadeteen artean baina emaitza hori ezohikoa izan zen", argitu du Reyes Azkoitia entrenatzaile bergararrak.
Gazteen arteko norgehiagoka, ostera, gogorra izan zen eta agerian utzi zuten oso parekatuta daudela bi bikoteak: "Partidu hori irabaztea komeni zitzaigun aurrera egin ahal izateko, baina azkenean tanto bakarrera geratu ginen". Eta nagusiek, espero moduan, arazo barik irabazi zuten.
Itzulerako partiduak zapatuan
Datorren zapatuan, hilak 16, Donostian jokatuko dituzte itzulerako partiduak, eta han erabakiko da bergarrarek aurrera egingo duten edo ez. Aurrera egiteko derrigorrez irabazi behar dute gazteek eta nagusiek, eta kadeteek ahal den tanto gehien egin. Hala, hiruna berdinduta geratuko dira eta orduan tanto kopurua hartuko da kontuan. Badakite ez dela samurra izango, baina borrokan egin eta guztia ematera joango dira Bergarako pilotariak.