Hauxe sailkapena:
- 1. 'Party Rock Anthem'. 2.211 boto.
- 2. 'Thriller'. 2.190 boto.
- 3. 'We go together'. 1399 boto.
- 4. 'Txerri txuleta'. 1076 boto.
- 5. 'La Mandanga'. 742 boto.
Ekaitz Azula Mariaren Lagundiko Teknologiako irakasleari bururatu zitzaion lehiaketan parte hartzea. Irratian entzun zuen eta egoki iruditu zitzaion. Hala, planteatu zien ikasleei, "gehiegi pentsatu gabe" eta 20 bat lagunek baietz esan zuten.
Bergarako jaien usainean, jai giroko bideoklip dantzagarria egin nahi izan dute. "Borondate oso ona erakutsi dute ikasleek eta klase orduetatik aparte aritu dira, eguerdietan-eta, bokadiloak ekarri eta bertan bazkalduz…", diosku Azulak.
Ikastolako kamerak eta norberak etxean zituenak erabili dituzte bideoklipa egiteko. Editatu ere bertan egin dute, Ekaitz Azulak berak eta Ihart Zamakona, plastikako irakasleak.
50 lan aurkeztu dira
Lehiaketara 50 lan aurkeztu dira eta epai-mahaiak 20 onenak aukeratu ditu lehiaketarako. Ostean, erabiltzaileen, jendearen, botoekin aukeratu da irabazlea.
Gazteak aurten lehen aldiz antolatu du bideoklip lehiaketa; iaz lipduba antolatu zuen.
Bergararrek bideokliperako aukeratu duten musika, LMFAOren Party Rock Anthem da.