Lehenengo zatian mahoneroek oso lan txukuna egin zuten Real Union taldearen kontra (0-0), ondo eutsi zioten ligan bosgarren amaitu duen taldeari, baina bigarrenean Irungoek 15 minutu bikain izan zituzten, aurrelariek duten maila erakutsi zuten, eta ia-ia jarraian egin zituzten hiru gol.
Liga amaiera izan arren Irungoak amorratuta etorri ziren Agorrosinera, lan serioa egiteko asmoz, eta liga ahaeta goren amaitzeko nahiaz. Aurrekoen borrokan ibiltzeko 4-5 puntu falta izan zaizkie, baina ez zuten bosgarren postua inondik inora galdu nahi, Beti Gazte estutzen zetorren-eta.
Hala, Bergarak Iñigo Machoren bitartez egin zuen gola, hori ere ederra, baina kanpotarrek laugarrenarekin borobildu zuten arratsaldea.
Neka Galanek jarraitu egingo du
Liga amaituta, Bergarak beste urte batzuetan baino aldaketa gutxiago espero ditu datorren denboraldira begira. Jokalari gehienek jarraitzeko asmoa erakutsi dute, eta Neka Galanek ere entrenatzaileen aulkian jarraituko du. Hala, urte ona egiteko oinarria du Bergarak.