Zuri-beltzean Luis Pontijas astigarragarra eta koloretan Andres Indurain irundarra izan dira irabazleak, hurrenez hurren, Dunas eta La hora de comer lanei esker. Bigarren saria zuri-beltzean Jorge Murgiondo bergararrak eskuratu du, Egurra eta gameluak argazkiarekin, hirugarren saria Josu Garai legazpiarrak eta herriko onena Agustin Gurrutxaga izan da.
Koloretan, Manu Barreiro beasaindarrarendako izan da bigarren saria, hirugarrena Benito Canterok irabazi du Urbia izenburuko lanagatik eta, azkenik, herriko onenari zegokion saria Jorge Murgiondok eskuratu du, Laida lanagatik.
40 argazki erakusketan
Guztira, 273 argazki jaso dituzte lehiaketaren 28. ekitaldian, 120 zuri-beltzean eta 153 koloretan. Aroztegiko erakusketan 40 argazki onenak izango dira ikusgai, ekainaren 25era Ohiko ordutegian izango da zabalik Barrenkaleko aretoa: martitzenetik egubakoitzera, 18:00etatik 20:30era; zapatuetan 12:00etatik 14:00etara eta 18:00etatik 20:30era; eta domeka eta jai egunetan, 12:00etatik 14:00etara.Sari banaketa gaur, egubakoitza, egingo dute, 19:30ean.