Xaxau kamisetak atera ditu lehenengoz, Pazkoetarako. Jaiak kolorez eta aldarrikapenez jantzi nahi dituzte eta lau koloretan atera dituzte: urdina, gorria, morea eta berdea. Bestalde, ume, mutil zein neskarendako modeloak atera dituzte, taila askotan.
Dagoeneko eskuragarri daude Jarduneko bulegoan, 5 eurotan. Horrez gain, bihar, zapatua, Goazen plazara ekimena aprobetxatuta, plazan ere jarriko dute postua. Hilaren 24an pintxo-pote bitartean ere Irala kalean postua jarriko dute eta Pazkoetan plazako eta Bideberriko txosnetan.