Atzo eman zioten hasiera Mariaren Lagundian Kultur Asteari eta gaurko hainbat ekitaldi iragarri dituzte: tailerrak, anrzerki emanaldiak, elikagai bankua, ipuin kontaketak eta bestelakoak. Bihar, eguaztena, haur hezkuntzakoek aiton-amonen jaialdia izango dute 15:45ean; lehen hezkuntzakoek, berriz, ordenagailuko jolasak prestatuko dituzte aiton-amonendako eta zuhaitzak landatuko dituzte baita; eta bigarren hezkuntzakoek Bergarako gobernuz kanpoko erakundeen gaineko saioa egingo dute.
Eguenean, bestalde, Zugarramurdira joango dira haur hezkuntzakoak eta han igaroko dute gaua; lehen hezkuntzakoek San Martzialera ibilaldia egingo dute zuhaitzak identikatzen ikasteko; eta bigarren hezkuntzakoek informatiko ikastaroa eskainiko diete erretiratuei.
Kultur Astea egubakoitzean amaituko da. 10:00etan meza izango da eta ondoren kirol txapelketak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.