Familiakoen deiei erantzuten ez zien adineko emakumea etxetik atera nahian, suhiltzaileak

Bergarako Masterreka kalean, Infernukua tabernaren gainean, suhiltzaileen bi kamioi eta Gurutze Gorriaren anbulantzia bat daude. Oñatiko suhiltzaileek emandako informazioaren arabera familiako deiei erantzuten ez zien emakumea etxetik atera nahian dabiltza. Horretarako eskailera mekanikoa igo dute etxebizitzako leihoraino. Oraindik informazio ofizialik ez duten arren, Oñatiko suhiltzaileen etxetik adierazi dute uste dutela emakumea ondo dagoela. Bolurako bidea momentuz itxita dago.