Hiri hondakinen gainean berba egingo du Carlos Ormazabalek gaur, Bergaran, EAJren eskutik

Hiri hondakinen kudeaketaz, arazoaz, aukerez, atez atekoaz, errauskailuaz, bost edukiontziez… Hau da, gaur egunean gori-gori eta Gipuzkoako politikaren eztabaida gunean dagoen gaiaz jardungo da Carlos Ormazabal Ingurumen diputatu izandakoak, Bergaran. Irizar jauregian emango du hitzaldia, gaur, eguaztena, Bergarako EAJk antolatuta. Aurreko agintaldian, Batzar Nagusiek eta mankomunitateek adostutako ereduaz, Bilduk, datorren urtean, dagoeneko, 34 udalerritan ezarri nahi duen atez atekoaz eta abar jardungo du Ormazalek. 19:30ean, Irizar jauregian.