Nerabezaroa dibertigarria bezain konplikatu izan daiteke gazteendako. Sarri adin horretako neska-mutikoak etxera doazenean egunean zehar izandako arazoak eramaten dituzte beraiekin: lagunen arteko tirabirak, azterketen edo lanaren presioa, maite duten pertsonen edo harremanen galera. Kontzientzia nahasketak ere ematen dira batzuetan; horiek gaixotasunagatik gertatu daitezke edota baita toxikoen eraginagatik ere. Kasu horietan guztietan gurasoen laguntza ezinbestekoa izaten da, baina sarri ez dute jakiten nola jokatu. Bada, horixe da Bergarako Udaleko Prebentzio Zerbitzuak erakutsi nahi duena, horrelako egoeretan gurasoen laguntzak nolakoa izan behar duen. Horretarako zortzi orduko ikastaroa antolatu du.
Egoera zailetan jokabide eraginkorrak izateko hainbat jarraibide emango dituzte 12 eta 18 urte bitarteko seme-alabak dituzten gurasoendako. Alderdi teorikoa eta praktikoa uztartuko dira. Bertan ikasiko dira, besteak beste, erlaxazio eta kontzentrazio teknikak, hemen eta orain egoteko formulak eta adimen emozionalaren garapenerako teknikak. Horrez gain rol jokoak eta simulazioak ere egingo dituzte.
Maiatzaren 10a azken eguna
Izenemate epea zabalik dago eguenera arte, hilak 10. Taldeak mugatuak izango dira, gehienez 15 pertsona, eta astean bi saio egingo dira; bakoitza bi ordukoa, 18:00etatik 20:00etara. Maiatzaren 14, 16, 21 eta 23an izango dira saioak. Erain zentroko ordezkari batek emango du ikastaroa.
Informazio gehiago nahi izanez gero 943 77 91 26 telefonora deitu behar da edo aloidi@bergara.net helbidera idatzi.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak