Gaur sinatu dute lankidetza hitzarmena Bergarako Udalak eta La Caixako arduradunek. Hitzarmen horren bidez Bergarako erretiratuek Gente 3.0 izeneko programan parte hartzeko aukera izango dute. Hala, aurretik martxan zeuden ekintzei sei tailer berri gehituko zaizkie aurten.
Bergara alkte Jesus Elortzak eta La Caixaren izenean Josep Ollé-k eta Emilio Cuadradok izenpetu dute hitzarmena. Ekitaldian San Joxepe elkarteko kideak ere izan dira, hala nola Iñaki Zabala.
Pertsona nagusiak teknologia berrietan trebatzea, eta eskaini dezaketen bizi esperientzia gizartean baliagarri egitea ditu helburu Gente 3.0 programak. Nagusien boluntario lana sustatzea ere bada lan lerroetako bat.
Sei tailer berri
Sei tailer berrietatik bi teknologia berriekin lotuta daude, beste hirutan osasun kontuak izango dituzte hizpide, hala nola oroimena lantzeko tailerra, ondo lo egiteko mintegia eta zahartzaroari buruzko hitzaldiak egingo dituzten. Seigarren ekintza irakurketarekin lotuta dago literatura tailerrak egingo dituzte-eta.
Izen-ematea zabalik dago. Interesatuek erretiratuen egoitzara deitu behar dute; 943 76 21 40. La Caixatik, Udaletik zein San Joxepe elkartetik Bergarako erretiratuak ekintza horietan parte-hartzera animatu dituzte.