Ugarteburukl Bergaran azaldu zuenez, Aieteko Bake Konferentzian konponbide batera heltzeko markatutako bide orriari ezker abertzaleak egindako hainbat zehazpen jasotzen dira Konponbide haizea dabil izena duen adierazpenean. Hala, indarkeria agertoki bat gainditzearen inguruan, biktimen gaiaren inguruan, egiaren bilaketa beharrari buruz eta akordio demokratiko bat bilatu beharrari buruz ezker abertzalearen ikuspuntua izan zituen hizpide Ugarteburuk. Bere esanetan, egoera horretan ezker abertzalea kokatzen da esanez bere aldetik eta aldebakartasunetik gai izan dela, eta gero ere gai izango dela, indarkeria eta konfrontazio armatuko egoera batetik konfrontazio politikoa soilik egongo den egoera batera igarotzeko pausuak eman eta apustu sakon bat egiteko. Gaineratu zuen gero eta begibistakoagoa dela Frantziako eta Espainiako estatuen jarrera ulertezina dela.
