Maiatza kontzertuz betea Bergarako Gaztetxean

Antolatzaileek aurreko edizioen balorazio oso positiboa egin dute, kartzela zaharrera joateko ohitura ez dutenak ere bertara gerturatzea lortu zutela esanez. Aurreko bi aldietan, gaztetxeko patioa leku magiko batean bihurtu izan da, atmosfera berezi bat sortuz, eta oraingoan ere kandelak, kafea, txokolatea, tonika eta lanparak ez direla faltako ziurtatzen dute antolatzaileek.

Aurreko formatuarekin jarraituz, kontzertuei 22:00etan emango diete hasiera, eta sarrera guztiak hiru eurokoak izango dira.

Hemen maiatzerako antolatu dituzten kontzertuen zerrenda, egunez egun:

• Maiatzak 04 - Anari eta Joseba Irazoki

• Maiatzak 11 - Estankona eta Bertso-tavern

• Maiatzak 18 - Jon Gurrutxaga eta Giranice

• Ekainak 01 -  Mara-mara eta Markos Untzeta

Emanaldi guztiak Bergarako irrati libretik, Txapa irratitik, emitituko dira zuzenean FMko 97,2an eta www.txapairratia.org atarian.