Agorrosin Kirolgunean, kartelak ipini dituzte, esaterako gogoraraziz erabiltzaile bakoitzak bost litro ur kontsumitzen dituela bataz beste.
Labegaraieta kiroldegian, Fraiskozuri plazako Udal pilotalekuan eta bestelako kirol instalazioetan ere kartelak jarriko dituzte, erabiltzaileak sentsibilizatzeko eta ura modu arduratsuan erabiltzeko helburuarekin.
Sentsibilizazio kanpaina horretan Udalak Ipintza Institutuko ikasleen laguntza izan du. Hain justu ere, Agenda 21-eko, batxilergoko lehen mailako Informatikako eta ZIG-eko (Zereginak Ikasteko Gela) ikasleek prestatu dituzte kartelak eta baita kanpainan erabiliko diren lelo eta esaldiak.