Fresatzaileak eta mandrinatzeko makinak muntatzeko instalazioez gain, Soraluceren zentro aurreratu berria bisitariendako zabalik izango da. Makinendako buru eta kanabera mota asko egingo dituzte han. Horretarako, zehaztasun handiko, azken belaunaldiko teknologiadun instalazioak ipini ditu Soralucek, eta han, buruak eta kanaberak diseinatu, mekanizatu, egiaztatu eta errodatu egingo dituzte.
Innovation Days egunetan ere, Berrikuntza Tourra delako bisita gidatua emango dute, Soralucek egiten dituen hainbat lan eta erabiltzen dituen hainbat berritasun ezagutzeko.