Bagarak antolatuta Herrigintza Gazteko mintegiak egiten dituzte bi astean behin bailarako toki ezberdinetan eta atzo Bergarako gaztetxean egin zuten zazpigarren saioa. Landu zuten gaia generoak izan zen.
Gaztetxea ezagutu
Herrigintza Gazteko formazio egitasmoan parte-hartzen duten lagunek gaztetxea ezagutu zuten lehendabizi, bertako kideen eskutik: patioan duten ortua, Txapa irratia eta Angiolillo liburutegia. Gaztetxean antolatzen diren ekimenen gaineko azalpenak ere jaso zituzten eta aurrera begirako ideiak ezagutu.
GaraiOn
Ondoren, GaraiOn-eko kideek euren ekimena azaldu zieten: naturarekin duten harremana, sormena, bizipen emozionalak, harreman sozialak nola lantzen dituzten, eskoletako jangeletarako duten programa, landu duten iraunkortasun ekologikoa eta aisialdi ekimenak.
Ozaeta dorrea nola eraberritu duten ikusteko aukera ere izan zuten gaztetxean izan zirenek, argazkien bitartez.