Auzolandegiei dagokienez, 18 eta 30 urte bitarteko gazteei zuzenduta daude. Gazteek eurek aukeratzen duten auzolandegian eman behar dute izena –Euskal Herrian, Espainian edo Europan–. Goizean auzolandegi programa barruan lan egingo dute eta arratsaldean, aisialdiaz gozatzeko aukera izaten dute.
Bergaran ere egiten da auzolandegia
Bergarako Udalak ere antolatzen du auzolandegia eta hor izena emateko aukera ere badago programa horretan. Belaunaldi arteko trukaketa da Berarako auzolandegiaren oinarria eta uztailean izaten da, bi txandatan: goizez Mizpirualde zaharren egoitzako egoiliarrekin lan soziokulturala egiteko aukera izaten dute, eta arratsaldean, Bergara eta inguruz gozatzeko aukera.
Auzolandegi programan izena emateko epea apirilaren 24tik aurrera izango da.
Euskadiko Gazteak Lankidetzan
Programa hori kooperante moduan joateko da eta 20tik 31 urtera arteko gazteei zuzenduta dago. Gobernuz kanpo erakunde batekin lanean jarduteko aukera eskaintzen du. Izena emateko epea apirilaren 19ra arte dago zabalik.
Bietan ala bietan izena emateko www.gazteaukera.euskadi.net atarira jo behar da. Informazio gehiago ere badago –bete beharreko baldintzak, izen emate prozesua, prezioak….