Agorrosin Kirolgunea itxi egingo dute hurrengo astean, apirilaren 10etik 15era (biak barne), garbiketa lanak direla eta. Azken urteotan Pazko astea aprobetxatu izan dute Osasun Sailak behartutako garbiketa lanak egin ahal izateko. Beraz, sei egunez itxita izango dira kirolguneko instalazioak.
Oporren bueltan, apirilaren 16an zabaldu dute berriz, ohiko ordutegiarekin. Era berean, Aste Santuan ordutegi berezia izango dute Agorrosinen; horrela, eguenean (hilaren 5ean), egubakoitzean, domekan eta astelehenean 10:00etatik 14:00etara eta 16:00etatik 20:00etara izango da kirolgunea zabalik eta zapatuan, berriz, 09:00etatik 14:00etara eta 16:00etatik 20:00etara.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
