Udaberriari ongi-etorria egin dio Orfeoiak

Udaberriari ongi-etorria eman zion Bergarako Orfeoiak atzo, urteroko sasoiko emanaldiarekin. Musika erromantikoa ardatz, Mendelssohnen Lauda Sion eta Johannes Brahmsen Zigeunerlieder, hain zuzen ere. Aitor Biainen zuzendaritzapean, oraingoan, alemanez kantatzea zen Bergarako Orfeoiaren erronka eta ondo baino hobeto moldatu zuren, bikain arituz. Era berean, aipatzekoa da bakarlariek, hau da, Nere Ibarrak, Cristina Larrañagak, Juantxo Etxanizek eta Karlos Etxanizek, egindako lana, Eli Mendiaratz pianujoleak lagunduta. Orfeoiak, gustura utzi zituen bertaratuak.