Goizeko 9etarako zita egina zuten Fraiskozurin. Handik, San Martin plazara abiatu ziren eta Gorlako igoeran parte hartu behar zuten txirrindulariak hasi aurreko prestatze ariketak egiten ikusteko aukera izan zuten. Plazatik, apurka-apurka, maldan gora abiatu ziren Gorlako kantinarantz: Arane, Itxasmendi, Zabaleta…
Pol-Poleko urak herrira ekartzeko XIX mendean eraiki zuten eta duela urte gutxira arte erabilia izan den ur-kanala ere ikusteko aukera izan zuten. Han, gainera, Mendia Bizirik taldeko kideekin topo egin zuten, uraren ibilbidearen gaineko azalpenak ematen zebiltzala.
Gorlan, indarrak hartu, mokadutxoa egin, karrera amaiera ikusi eta behera etorri ziren.
Hurrengo mendi irteera oraingo domekan dute, Kalamuara.
