Herriko autobus geltokiak duen egoera salatu du Mari Carmen Barrenetxeak, Bergarako bozeramaile sozialistak. "Autobus geltokirako semafororik ez dago; erabat heroikoa da bertara joan edo handik irtetea. Autobusak iristen direnean jendea errepidean korrika ikusten dugu", adierazi du, eta gogora ekarri gune horretan "oso ikusgarritasun txikia" dagoela gidariendako eta autobus bidaiariendako.
Geltokiko "segurtasun falta" salatzeaz gainera, "garbiketa falta" ere salatu du Barrenetxeak; dio "kartel ugari" dagoela ordutegien gainean ipinita.
Sozialistak adierazi du Udal Gobernuak neurriak iragarri arren, ez duela ezer egin; eta, besteak beste, kontuan hartuta Bergaran Uned dagoela eta bertako askok autobusak erabiltzen dituztela, "kezkatuta" daudela "ematen den irudiarekin".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.