Gazteek ekitaldiak antolatzen jarraituko dute datozen egunotan. Esate baterako, Nekane Juradoren hitzaldia izango da hurrengo eguaztenean, martxoaren 21ean, Miguel Altunako aretoan, 19:00etan. Hitzaldiaren aurretik elkarretaratzea deitu dute ikastetxe aurrean, 18:30ean.
LAB sindikatuaren greba batzordea
Grebarekin lotuta, Bergarako LAB sindikatuak greba batzordea sortu du. Gaiarekin interesatutako herritarrei eta eragileei gonbidapena luzatu nahi diete aipatutako batzordean parte hartzera. Martitzenero elkartuko dira kultura etxean, 18:30ean hasita.
LAB sindikatuaren hitzaldiak eguenean
ELA sindikatuak, berriz, ELAko kideei eta lagunei zuzendutako bi hitzaldi egingo ditu Bergaran. Biak ere eguenean, hilaren 22an, izango dira, ELAko egoitzan, Ibargarai kaleko 26. zenbakian, 10:30ean lehena eta 18:00etan bigarrena.