Berriketan programan, herriko hainbat jende elkartzen da euskararen erabilera handitu nahian.
Egitasmo honetan parte hartzen duen jendea, astean ordu batez taldeka elkartzen da: binaka, hirunaka, launaka… Euskaraz berba egiten duten bitartean, gisa honetako egunerokoak egiten dituzte: paseatu, kafea hartu, herrian dauden erakusketetara joan… Taldearen gustuen araberakoa izaten da. Horretaz gain, talde desberdinetako jendea elkartzeko asmoarekin, asteburuetarako ekintza osagarri batzuk ere antolatzen dituzte: mendi irteerak, kobazuloak ikusterakoak, sagardotegirakoak, gazta egitera… Dena den, asteburuetako hauetara nahi edo ahal dutenak joaten dira.
Hika-Lagun ere bai
Bestalde, Berbalagun egitasmoaz gain, bultzagileen asmoa da Hika talde bat sortzea da Bergaran, hitanoaren erabilera areagotzeko. Hau da, Hika-Lagun izeneko proiektua berriz ere martxan jarri nahiko lukete.
Gaur egun, Bergaran "hitanoa erabiltzea oso zaila egiten zaigu, eta zailtasun hauek gainditu eta hau aurrera eramateko aukerak ematea da gure asmoa; astean ordu batez, hitanoa erabiltzea" diote Jardunetik.
Hala, hortaz, Berriketan eta Hika-Lagun programetan parte hartzera "animatzen zaituztegu" diote. Izena eman edo informazio gehiago nahi izanez gero, Jardunera deitu behar da: 943 76 36 61.